Imom Buxoriy xalqaro ilmiy-tadqiqot markazi bukhari.uz
Муҳаммад айтганлар: «Абу Тоййиб Ҳотим ибн Мансур Киссийнинг: “Муҳаммад ибн Исмоил ҳадис илмида ва иқтидорининг ўткирлигида Аллоҳ таолонинг мўъжизаларидан биридир”, – деганларини эшитдим».
Муҳаммад айтганлар: «Абу Амр Мустанир ибн Атиқнинг: “Ҳофиз Ражо: “Имом Бухорийнинг бошқа олимлардан устунликлари эркакларнинг аёллардан устунлиги кабидир”, – дедилар. “Эй Абу Муҳаммад, Имом Бухорий олимларнинг ҳаммасидан устунми?” – деб сўрашганда, у киши: “Имом Бухорий Аллоҳ таолонинг ер юзида юрган мўъжизаларидан биридир”, – дея жавоб бердилар”, – деганларини эшитдим».
Муҳаммад айтганлар: «Муҳаммад ибн Лайснинг ҳузурларида Абдуллоҳ ибн Абдураҳмон Доримий ва имом Бухорий исмлари зикр қилинганда, ўтирганлардан баъзилари Доримийни Бухорийдан устун қўйишганида: “Доримийни шеър ва араб тили қоидалари бобида Бухорийдан устун қўйсангиз бўлади. Аммо илмда бу кишини Бухорийдан юқори қўйманглар”, – деганларини эшитдим».
