Imom Buxoriy xalqaro ilmiy-tadqiqot markazi bukhari.uz
Субҳаналлоҳ!
Халаф Хайём айтганлар: «Иброҳим ибн Маъқилдан эшитдим. У киши Бухорийнинг: “Исҳоқ ибн Роҳавайҳнинг ҳузурларида эдим. У кишининг ёнларида ўтирганлардан бир киши: “Қанийди, Пайғамбар соллаллоҳу алайҳи васалламнинг суннатларини тўплаган мухтасар бир китоб жамлаганларингизда эди”, деди. Ўшанда кўнглимга ҳадисларни тўплаш нияти келди ва уларни йиға бошладим”, – деганларини эшитган эканлар».
Яна юқоридаги санад билан Бухорий айтганлар: “Мен бу китобимни 600 минг ҳадисдан сайлаб олдим”. Фарабрий хабар бериб шундай дедилар: «Менга Муҳаммад ибн Исмоил: “Мен “Саҳиҳи Бухорий”га қайси ҳадисни ёзган бўлсам, ундан олдин ғусл қилиб, икки ракаат намоз ўқирдим”, – дедилар».
Иброҳим ибн Маъқил хабар бердилар: «Бухорийнинг: “Бу китобимга фақат саҳиҳ бўлган ҳадисларни киритдим. Китоб чўзилиб кетмаслиги учун киритилмаган саҳиҳ ҳадислар ҳам бор”, – деган сўзларини эшитдим».
