Маҳаллий ва хорижий қўлёзма фондларидаги Имом Бухорий асарларининг 3296 нусхаси реестри нашрга берилди

Бу ҳақда АОКАда ўтказилган брифингда Имом Бухорий халқаро илмий-тадқиқот маркази ахборот хизмати раҳбари Шерзод Маматов  маълум қилди:

🔽Ҳисобот даврида Имом Бухорийнинг “Жомиъ ас-саҳиҳ” асарига оид хорижий давлатлар қўлёзма фондларида сақланаётган 30 та қўлёзма нусхасининг электрон версияси юклаб олинди.

🌎Шунингдек, Марказ фондида сақланаётган 75 та қўлёзма асар аннотацияси тузилиб, улардан 36 таси марказ сайтига жойлаштирилди.

📝 Туркия, Саудия Арабистони, Ҳиндистон кутубхоналари фондида сақланаётган 260 та қўлёзма асарнинг рўйхати шакллантирилди.

🗂 Марказ қўлёзмалар фондидаги 10 та китоб (23 та асар, 1502 варақ)нинг электрон нусхаси тайёрланди.

✔️ Жорий йилнинг 4 ойи давомида қўлёзмаларни ўрганиш соҳасида аҳолидан 5 та қўлёзма ва 4 та тошбосма асар ҳадя сифатида қабул қилиб олинди.