Imom Buxoriy xalqaro ilmiy-tadqiqot markazi bukhari.uz
Ўзбекистон Республикасининг барча ҳудудларида имом хатиб ва имом ноибларининг “Ўзбекистон тараққиётининг янги босқичида диний соҳа ходимлари олдида турган долзарб вазифалар” мавзусида малакасини ошириш ўқувлари биринчи босқичи жорий йилнинг 26 март-18 апрел кунлари Андижон, Наманган ва Фарғона вилоятларида ташкил этилди.
Шу муносабат билан Имом Бухорий халқаро илмий-тадқиқот маркази малакали илмий ходимларидан иборат соҳа мутахассислари шакллантирилди. Хусусан марказ директори бош маслаҳатчиси Б. Тўраев, диний–маърифий тадбирлар бўлими бошлиғи О. Рустамов, ҳадисшунослик шуъбаси илмий ходими Н. Қобилов, фиқҳшунослик шуъбаси раҳбари М. Хидиров режа асосида ўзларига бириктирилган ҳудудларда “Халқаро ислом ташкилотлари”, “Имом Бухорий илмий меросининг ислом маданияти ривожидаги ўрни”, “Термизлик муҳаддис олимларнинг илмий мероси” ва “Баркамол авлод ва комил инсон ғояларининг муштараклиги” мавзуларида имом хатиб ва имом ноибларнинг малака ошириш ўқувларида маърузалари билан иштирок этмоқда.
