Imom Buxoriy xalqaro ilmiy-tadqiqot markazi bukhari.uz
Samarqand viloyati Favqulodda vaziyatlar boshqarmasida “Chet ellik missionerlar va volontyorlarning diniy tushunchalarni gʻarazli maqsadda talqin etish faoliyati” mavzusida maʼnaviyat va maʼrifat soati tashkil etildi.
Tadbirda Imom Buxoriy xalqaro ilmiy-tadqiqot markazi mutaxassislari mavzu yuzasidan ilmiy asoslangan maʼlumotlar taqdim etib, xorijiy missionerlar va ayrim volontyorlarning diniy qadriyatlarni notoʻgʻri va gʻarazli talqin etish usullari, bu kabi yondashuvlarning jamiyat hayotiga koʻrsatadigan salbiy taʼsiri xususida atroflicha toʻxtaldi.
Shuningdek, bunday xatti-harakatlarning oldini olishda maʼnaviy immunitetni mustahkamlash, diniy-maʼrifiy savodxonlikni oshirish va yoshlarni sogʻlom dunyoqarash ruhida tarbiyalashning oʻta muhimligi alohida taʼkidlandi.
