Imom Buxoriy xalqaro ilmiy-tadqiqot markazi bukhari.uz
Imom Buxoriy xalqaro ilmiy-tadqiqot markaziga Oksford universiteti professori, tarixchi va islomshunos olim, Oksford Islom tadqiqotlari markazi direktori doktor Farxan Nizomiy rahbarligidagi delegatsiya tashrif buyurdi.
Mehmonlar Markaz muzeyi va Imom Buxoriy ilmiy merosiga bagʻishlangan ekspozitsiya bilan tanishdi. Ularga Markaz faoliyatining asosiy yoʻnalishlari, amalga oshirilayotgan ilmiy va maʼrifiy faoliyat, nashr ishlari va qoʻlyozmalarni tadqiq etish boʻyicha olib borilayotgan amaliy tadbirlar haqida maʼlumot berildi.
Muloqot chogʻida ilmiy muassasalar oʻrtasidagi doʻstona munosabatlar, Imom Buxoriy merosini oʻrganish va xalqaro miqyosda targʻib qilishdagi oʻzaro hamkorlikning ahamiyati haqida fikr almashildi. Jumladan, markazlararo shakllanib ulgurgan hamkorlik aloqalari, xususan, qoʻlyozmalarni oʻrganish, islom tarixi va merosiga oid ilmiy tadqiqotlar hamda axborot almashuvi borasidagi rejalar muhokama qilindi.
Tashrif samimiy va manfaatli ruhda oʻtdi.
