Imom Buxoriy xalqaro ilmiy-tadqiqot markazi bukhari.uz
Qoraqalpogʻiston Respublikasining Amudaryo, Xoʻjayli va Taxiatosh tumanlarida aholi orasida diniy-maʼrifiy yoʻnalishdagi targʻibot tadbirlari oʻtkazildi. Tadbirlarda Imom Buxoriy xalqaro ilmiy-tadqiqot markazi ilmiy xodimi U.Muhammadiyev faol ishtirok etdi.
Mahalla yettiligi aʼzolari, ijtimoiy yordamga muhtoj oilalar va davlat idoralari xodimlari bilan uchrashuvlarda bu yoʻnalishda amalga oshirilishi lozim boʻlgan chora-tadbirlar, ayniqsa, yoshlar ongida sogʻlom dunyoqarashni shakllantirishga qaratilgan samarali uslublar haqida soʻz bordi.
Muloqotlar chogʻida mamlakatimizda sogʻlom ijtimoiy-maʼnaviy muhitni mustahkamlash, fuqarolarni turli buzgʻunchi gʻoyalar, diniy ekstremizm va missionerlik tahdidlaridan asrash, odamlar qalbi va ongiga milliy qadriyatlarimizga sadoqat, Vatanga muhabbat tuygʻularini singdirish maqsadida olib borilayotgan tizimli ishlar haqida maʼlumotlar berildi.
Shuningdek, ishtirokchilarga diniy sohadagi davlat siyosatining asosiy maqsad va vazifalari, dunyoviy davlatda umumjamiyat manfaatlari va vijdon erkinligi uygʻunligini taʼminlash shartlari, yoshlarni turli yot gʻoyalar va diniy mutaassiblik taʼsiridan asrash yoʻllari haqida tushuntirishlar oʻtkazildi.
