Imom Buxoriy xalqaro ilmiy-tadqiqot markazi bukhari.uz
Jaholat va ekstremizmga qarshi maʼrifat bilan kurashish, jamiyatda bagʻrikenglik va hamjihatlik muhitini yanada mustahkamlash yoʻnalishida olib borilayotgan targʻibot tadbirlaridan biri Jizzax viloyati Sharof Rashidov tumanida oʻtdi. Unda tuman hokimligi mutasaddilari, faollar, jamoatchilik vakillariga Imom Buxoriy xalqaro ilmiy-tadqiqot markazi xodimi U.Muhammadiyev hamda tuman hokimining oʻrinbosari O.Meliboyev maʼruza qildi.
Tadbirda “Oʻzbekiston Respublikasida fuqarolarning vijdon erkinligini taʼminlash va diniy sohadagi davlat siyosati konsepsiyasi”ning mazmun-mohiyati, unda belgilangan asosiy tamoyillar hamda ularning amaliyotdagi ifodasi haqida atroflicha maʼlumot berildi.
Maʼruzachilar tomonidan jamiyatda sogʻlom ijtimoiy-maʼnaviy muhitni qaror toptirish, yoshlar ongiga bagʻrikenglik, sabr-toqat va oʻzaro hurmat tuygʻularini singdirish bugungi kundagi ustuvor vazifalardan biri ekanligi alohida taʼkidlandi.
Tadbir davomida ishtirokchilar tomonidan diniy-maʼrifiy sohaga oid amalga oshirilayotgan oqilona siyosat, millatlararo totuvlikni mustahkamlash va aholi, ayniqsa, yoshlar orasida maʼnaviy immunitetni kuchaytirish haqida qizgʻin fikr-mulohazalar bildirildi.
