Home / YANGILIKLAR / BUGUN TUGʻILGAN KUN

BUGUN TUGʻILGAN KUN

Bugun Oʻzbekiston Respublikasi Vazirlar Mahkamasi huzuridagi Imom Buxoriy xalqaro ilmiy-tadqiqot markazi direktori Shovosil Ziyodov 50 yoshga toʻldi.

Shovosil Ziyodov 1973 yil 17 yanvarda Toshkent shahrida tugʻilgan. 1995 yilda Toshkent davlat Sharqshunoslik institutini tamomlab, Oʻzbekiston Fanlar Akademiyasi Beruniy nomidagi Sharqshunoslik institutida faoliyat yuritgan. U 2017 yilda Oʻzbekiston Respublikasi Vazirlar Mahkamasi huzuridagi Imom Buxoriy xalqaro ilmiy-tadqiqot markazi direktori sifatida ish boshlagunga qadar Imom Buxoriy xalqaro markazi direktori lavozimida ishlagan.

Tarix fanlari doktori, dotsent Shovosil Ziyodov “Abu Mansur Moturidiy va uning “Kitob at-Taʼvilot” asari” nomli monografiya muallifi. Mintaqamizda va xorijda kalom tarixi, Sharq qoʻlyozmalariga oid koʻplab ilmiy maqola, risola va kataloglar nashr ettirgan. Koʻplab xorijiy va milliy ilmiy anjumanlarda ishtirok etgan. Shuningdek, Germaniya, Fransiya va Buyuk Britaniya Sharqshunoslik markazlarida malaka oshirgan.

Imom Buxoriy xalqaro ilmiy-tadqiqot markazi

Check Also

Xalqaro stipendiya sovrindori amaliyot boshladi

Imom Buxoriy nomidagi xalqaro stipendiyaning joriy yildagi ilk sovrindori, Bishkekdagi Qirgʻiziston-Turkiya Manas universiteti ilmiy xodimi …