Imom Buxoriy xalqaro ilmiy-tadqiqot markazi bukhari.uz
Oʻzbekistonda boʻlib oʻtayotgan “Deklaratsiyalar muloqoti” xalqaro forumi ishtirokchisi, Leymen instituti ijrochi direktori Matius Xo (Indoneziya) “Dunyo” axborot agentligiga bergan intervyusida forumda ishtirok etishdan kutayotganlari haqida gapirdi.
– “Deklaratsiyalar muloqoti” xalqaro forumini oʻtkazish borasida Oʻzbekiston dunyoda katta oʻrin tutadi. Forum jahon hamjamiyatining yetakchi maʼnaviyat yetakchilari oʻrtasidagi muloqot va fikr almashish uchun ajoyib maydondir. Samarqand va Buxoro butun islom olami uchun alohida ahamiyatga ega. Oʻzbekiston azaldan turli madaniyat va din vakillari bilan tinch-totuv va ahil-inoq yashab kelayotgan maskan boʻlib kelgan. Mehmondoʻstlik, qalb saxovati, chinakam bagʻrikenglik oʻzbek xalqiga azaldan xos boʻlib, uning mentalitetiga asos boʻlib kelgan.
Oʻzbekistonda din sohasini liberallashtirish, bagʻrikenglik va insonparvarlik madaniyatini rivojlantirish, konfessiyalararo totuvlikni mustahkamlash, aholining diniy ehtiyojlarini qondirish uchun zarur shart-sharoit yaratish siyosati izchil va muttasil olib borilayotganini alohida taʼkidlamoqchiman.
