Imom Buxoriy xalqaro ilmiy-tadqiqot markazi bukhari.uz
Qutlugʻ ayyom arafasida dorilomon kunlarga yetkazgani uchun yana va yana shukr qilish maqsadida jannatmakon yurtimizning, muqaddas Vatanimizning, dono xalqimizning diniy qadriyatlari, milliy anʼanalari nihoyatda bisyor, beqiyos va betakror boʻlsa-da, bu yil Mustaqilligimizni 34 yilligini nishonlayotganimiz uchun faqat 34 tasinigina zikr qilmoqchimiz:
1) Oila – jamiyatning asosi, ota-onaga va kattalarga hurmat.
2) Mehmondoʻstlik – mehmonlarni chin dildan kutib olish, saxiylik.
3) Mehnatsevarlik – halol mehnat va ustalikka eʼtibor.
4) Kattalarga hurmat – oqsoqollarga va nuroniylarga ehtirom.
5) Tinchliksevarlik – mojarolarsiz hayotga intilish.
6) Anʼanalarni asrash – milliy urf-odatlarni saqlash va davom ettirish.
7) Maʼnaviyat – axloqiy tarbiya va diniy qadriyatlarga hurmat.
8) Poklik – uyda, kiyimda, tanada va koʻngilda ozodalik.
9) Dasturxonga saxiylik – mehmonni ochiq koʻngil bilan kutib olish.
10) Qoʻshnichilik qadriyatlari – mahalladoshlar oʻrtasida yaqinlik va yordam.
11) Yordamga tayyorlik – yaqinlariga muruvvat koʻrsatish.
12) Kamtarinlik – odobli va meʼyorda yurish-turish.
13) Yosh avlodni qadrlash – farzandlar tarbiyasiga alohida eʼtibor.
14) Ayollarga hurmat – onani, rafiqani, opa-singilni qadrlash.
15) Taʼlimga intilish – bilim olishga boʻlgan qadriyat.
16) Or-nomus – halol va gʻurur bilan yashash.
17) Marosimlarga rioya – yaqinlarining issiq-sovuq kunlaridagi udumlar.
18) Soʻzga sodiqlik – vaʼdaga vafodor boʻlish.
19) Matonat va sabr – qiyinchiliklarga bardoshli boʻlish.
20) Ustachilik sanʼatiga hurmat – hunarmandchilik va milliy sanʼatga ehtirom.
21) Tabiatga mehr – yerga, suvga, atrof-muhitga ehtiyotkorlik.
22) Bagʻrikenglik – boshqa dinlar va madaniyatlarga ochiqlik.
23) Odob-axloq – jamiyatda hurmatli va odobli boʻlish.
24) Milliy bayramlar – Navroʻz, hayitlar, Mustaqillik kuni.
25) Adolat – halollik, tenglik va qonun ustuvorligiga ishonch.
26) Milliy musiqa va raqslar – ajdodlardan meros boʻlgan sanʼat.
27) Til va madaniyatni asrash – oʻzbek tiliga va milliy merosga sadoqat.
28) Vatanparvarlik – yurtni sevish va uni ravnaq toptirishga intilish.
29) Millatlararo totuvlik – Oʻzbekistonda yashovchi barcha elatlarning birdamligi.
30) Jamoaviylik – hamjihatlikda mehnat va bayram qilish.
31) Minnatdorchilik – yaxshilikni qadrlash.
32) Ustozga hurmat – ilm bergan kishilarni ulugʻlash.
33) Milliy kiyimlar – madaniyat va odob timsoli.
34) Ajdodlarga hurmat – tarix va ildizlarni unutmaslik.
* SIZ yana qoʻshishingiz mumkin…
*** ENG muhimi: yoʻqotib qoʻyishdan oldin ularning QADRIGA yetish !!!
R Qurʼoni karim oyati karimalari,
R Janobi Paygʻambarimiz alayhissalomning muborak hadisi shariflari,
R dinimiz asoslari,
R shariatimiz hukmlari,
R sharqona odoblarimiz,
R mazhabimiz meʼyorlari,
R jamiyatshunoslik aloqalari,
R odamgarchilik munosabatlari,
R insoniy tuygʻular,
R ruhshunoslik sir-asrorlari,
R yurtimiz urf-odatlari,
R oʻzbekchilik qoidalari,
R madaniyatimiz axloqlari,
R insoniy aql va axloqiy normalar,
R dono maqollarimiz,
R milliy anʼanalarimiz,
R diniy qadriyatlarimiz,
R xalqimiz ong-tafakkuri,
R millatimiz mentaliteti,
R dono xalqimiz dunyoqarashi,
R musulmonchiligimiz koʻrsatmalari
a s o s v a n e g i z l a r i d a
– ulugʻ ajdodlarimizdan davom etib kelayotgan duru gavhar rivoyatlari va noyob hikmatlari,
– buyuk ota-bobolarimizdan eshitib kelayotgan tillo bilan teng pand-nasihatlari va betakror hikoyalari,
– mehribon ota-onalarimizdan oʻrganib kelayotgan gavhar oʻgitlari va mislsiz soʻzlari,
– elimiz tanigan va xalqimiz tan olgan ustozlarimizdan taʼlim olib kelayotgan zar tushunchalari va bebaho ilmlari,
– jannatmakon yurtimiz – muqaddas Vatanimiz taʼlim maskanlarida taralayotgan durdan aʼlo fanlar va beqiyos bilimlar,
– zamonaviy olimlarning bilimlari, turli soha mutaxassislarining ajoyib kashfiyotlari,
– bugungi kunda va doim kerak boʻladigan hayotiy masalalar, dolzarb mavzular, qiziqarli maʼlumotlar hamda xalqimiz orasida eʼtirof etilgan mezonlar
dan
ulugʻ ustozlarimiz (ota-ona, ustoz, rahbar, oʻzidan yoshi katta, ulugʻ inson, tabarruk odamlar)ning keng, chuqur va unumli isteʼfoda etib, bizlarga batafsil taqdim etayotgan dono xalqimizning anʼanaviy qadriyatlarini asrab avaylash – ham burchimiz, xam farzimiz, ham qarzimiz!
Bu roʻyxatni yana koʻplab davom ettirish mumkin… Biroq fikrimizni muxtasar qilgan holda Allohdan Oʻzbekiston xalqining bunday fazilatlari yanada koʻpayishini, yurtimiz tinch, osmonimiz musaffo, xalqimizga sihat-salomatlik, oilalarimizga baxt-saodat soʻrab qolamiz.
Alloh taboraka va taolo har bir xonadonga sogʻlik-salomatlik, tinchlik-xotirjamlik, ilohiy fayz-baraka, koʻpdan-koʻp yaxshiliklar ato etsin!
Iloho jannatmakon yurtimiz tinchligi, muqaddas Vatanimiz ravnaqi, dono xalqimiz salomatligi va farovonligi uchun muhtaram Yurtboshimizning dono rahbarliklari ostida, hukumatimiz tomonidan oqilona olib borilayotgan xayrli, savobli ishlarni amalga oshirish maqsadida viloyatlarimiz rahbarlari hamda shahar va tuman rahbarlarining boshchiliklaridagi mehnatkash xalqimiz olib borayotgan barcha xayrli, yaxshi, savobli ishlarda Alloh taolo Oʻzi madadkor boʻlsin! Turmushimiz obod, xirmonlarimiz moʻl, oilalarimiz mustahkam, bolalarimiz har tomonlama sogʻlom, maʼnaviyatimiz yuksak boʻlsin!
Mehribon Parvardigorimiz dono xalqimizni doimo turli xil oʻrinlarda har xil shakllarda qilayotgan yaxshi, xayrli, chiroyli, savobli ishlarini Oʻz dargohi ilohiysida qabul aylasin! Iloho xalqimizga tinchlik-xotirjamlik, sihat-salomatlik, oilalarimizga fayzu ilohiy, baxt-saodat, toʻkin-sochin dasturxonlar nasib qilsin! Mehribon Parvardigorimiz Oʻzi – eshitib turuvchi, koʻrib turuvchi va bilib turuvchi Zot! Hammalarimizning dillarimizdagi niyatlarimizni, qalbimizdagi orzularimizni va barcha hojatlarimizni oʻylaganimizdan ham afzali-ziyodasi bilan ravo qilsin!
Iloho dehqonchiliklarimizga va kasb-korlarimizga xayr-baraka berib, ishlarimizda koʻpdan-koʻp omadlar, muvaffaqiyatlar va behisob xursandchiliklar ato etib, ikki dunyoda ham azizu mukarram aylasin!
Ibrohimjon domla INOMOV
Manba: muslim.uz
