IMOM DORIMIY

656. Rasululloh sollallohu alayhi vasallamning mavlosi Savbon aytadi: “Rasululloh sollallohu alayhi vasallam: “(Amallarda) toʻgʻri va oʻrtacha boʻling. Amallaringizning eng yaxshisi namozdir. Faqat moʻmin kishigina tahoratga rioya qiladi”, dedilar”. Imom Dorimiyning “Sunani Dorimiy” kitobidan.

665. Abu Ayyubdan rivoyat qilinadi: “Nabiy sollallohu alayhi vasallam: “Agar hojatga borsangiz, hojat va peshob qilishda qiblaga yuzlanmang va unga orqangizni ham qaratmang!” dedilar”. Imom Dorimiyning “Sunani Dorimiy” kitobidan.

Tas-ix: 

669. Anas ibn Molikdan rivoyat qilinadi: “Rasululloh sollallohu alayhi vasallam hojatga kirmoqchi boʻlsalar: “Allohumma inniy aʼuzu bika minal xubusi val xobaaisi (Allohim, Sendan erkak va ayol jinlar yomonligidan panoh soʻrayman)”, deb aytar edilar”. Imom Dorimiyning “Sunani Dorimiy” kitobidan.

670. Oishadan rivoyat qilinadi: “Rasululloh sollallohu alayhi vasallam: “Birortangiz hojatga chiqsa, poklanish uchun oʻzi bilan uch dona tosh (kesak) olib borsin. Ular unga (tozalanishga) kifoya qiladi”, dedilar”. Imom Dorimiyning “Sunani Dorimiy” kitobidan

676. Anasdan rivoyat qilinadi: “Nabiy sollallohu alayhi vasallam hojatdan chiqsalar, xizmatkor bola suv solingan idish keltirardi va u zot u bilan istinjo qilar edilar”. Imom Dorimiyning “Sunani Dorimiy” kitobidan.

680. Oisha soʻzlab berdi: “Nabiy sollallohu alayhi vasallam hojatxonadan chiqsalar: “Gʻufronaka (Magʻfiratingni soʻrayman)”, deb aytar edilar”. Imom Dorimiyning “Sunani Dorimiy” kitobidan.

Tas-ix: 

683. Abu Hurayradan rivoyat qilinadi: “Nabiy sollallohu alayhi vasallam: “Agar ummatimga mashaqqat boʻlmaganida, har bir namoz oldidan uni (ishlatishni) buyurardim”, dedilar”. Abu Muhammad: “Yaʼni, misvokni”, dedi. Imom Dorimiyning “Sunani Dorimiy” kitobidan.

684. Oishadan rivoyat qilinadi: “Rasululloh sollallohu alayhi vasallam: “Misvok – ogʻizni poklaydigan va Rabbni rozi qiladigan narsadir”, dedilar”. Imom Dorimiyning “Sunani Dorimiy” kitobidan.