muslim.uz O‘zbekiston Turizm va sport vazirligi, Musulmonlar idorasi vakillari O‘zbekistonning Kuala-Lumpurdagi elchixonasi ko‘magida “Butunjahon Qur’on soati”onlayn-tadbirida ishtirok etishdi. Tadbir Malayziya Islom sayyohlik markazi va WarisanUmmahIkhlas ma’naviy ma’rifiy jamg‘armasi hamkorligida tashkil etildi.
Tadbirda dunyoning 80 dan ortiq mamlakatlari vakillari ishtirok etdi. Uni Facebook va Malayziyaning yirik axborot manbalari to‘g‘ridan-to‘g‘ri yoritib bordi.
Unda muqaddas islom dinini o‘rganishning muhim ahamiyatga egaligi, bunda Imom Buxoriy, Imom Termiziy kabi allomalarning o‘rni beqiyosligi qayd etildi.
Ramazonning so‘nggi kunlarida yuzlab nafar ko‘nggillilar Makkadagi mo‘’tabar masjidda ziyoratchilarga xizmat ko‘rsatmoqda
muslim.uz MuqaddasRamazon oyida Makka shahridagi Mo‘’tabar Masjidda davlat va xususiy sektorlar, xayriya tashkilotlarining ko‘nggillilari dunyoning turli burchaklaridan tashrif buyurgan ziyoratchilarga xizmat ko‘rsatish uchun tinim bilmay ishlamoqda.
Tashkilot rahbariyatining ma’lum qilishicha, ba’zi ko‘nggilli tadbirlar keksalar va nogironlarni masjid ichida olib yurish, namozxonalarini tashkillashtirish, kirish joylaridagi videokuzatuv kameralarini kuzatish va ijtimoiy masofaga amal qilishni ta’minlash kabi xizmatlarni o‘z ichiga oladi.
Shuningdek, Saudiya Arabistoni Qizil Yarim oy jamiyati ham eng yangi tibbiy uskunalar bilan jihozlangan tez yordam brigadasi xizmatini joriy qildi. Rasmiylar Ramazon oyida masjidda 500 nafar ko‘nggilli xizmat qilayotgani va so‘nggi o‘n kunlikda ular o‘z faoliyatilari soatini oshirishga harakat qilishayotganini ma’lum qilishdi.
Xalqaro yuk tashish to‘g‘risidagi bojxona Konvensiyasi doirasida Pokistondan O‘zbekistonga birinchi parvoz amalga oshirildi
muslim.uz Xalqaro yuk tashish to‘g‘risidagi bojxona Konvensiyasi doirasida Pokistondan Markaziy Osiyoga birinchi parvoz amalga oshirildi. Parvoz AQSH Xalqaro taraqqiyot agentligi va Pokistonning TCS Logistics kompaniyasi bilan hamkorlikda tashkillashtirildi, deb xabar beradi AQSH ning O‘zbekistondagi elchixonasi. O‘simliklar asosida tayyorlangan dori vositalaridaan iborat yuk Karachi-Qobul-Termiz yo‘nalishi orqali Toshkentga yetib keldi.
Loyihadan ko‘zlangan asosiy maqsad Xalqaro yuk tashish to‘g‘risidagi bojxona Konvensiyasi doirasida Markaziy Osiyo va undan tashqaridagi mamlakatlarga turli xalqaro tranzit yo‘nalishlarning samaradorligini tekshirish hamda safar paytida yuzaga keladigan operativ va logistika muammolarini aniqlashdir. Bu Pokistonni Markaziy Osiyo davlatlari bilan bog‘laydigan quruqlik yo‘llari bo‘ylab bevosita savdo qilish imkonini beradi.
X X X
“Jahon matbuoti sahifalarida” turkumiga oid istaklaringiz, takliflaringiz va fikr-mulohazalaringizni pochta@uza.uzpochta manziliga yuborishingizni so‘raymiz