“ЯШИЛ МАКОН” ЭТМОҚДА ДАВОМ

Самарқанд вилояти Пайариқ туманидаги “Имом Бухорий авлодлари” боғида “Яшил макон” умуммиллий лойиҳасининг кузги мавсуми доирасида 13 ноябрь куни ҳашар ташкил этилди.

Унда Ўзбекистон мусулмонлари идораси вилоят вакиллиги, тумандаги масжидлар имом-хатиблари, Ҳадис илмий мактаби устоз-мураббийлари билан бирга Имом Бухорий халқаро илмий-тадқиқот маркази илмий ходимлари ҳам фаол иштирок этди.

Ҳашар давомида боғ ҳудудига 200 тупга мевали ва манзарали дарахт кўчатлари ўтқазилди.

Жойларда ҳашар тадбирлари давом этмоқда.