Imom Buxoriy xalqaro ilmiy-tadqiqot markazi bukhari.uz
Абу Жаъфар айтганлар: «Яҳё ибн Жаъфар Пайкандий Муҳаммад ибн Исмоилга: “Агар сиз бўлмаганингизда, Бухорода яшашимнинг маъноси қолмас эди”, – деганлар».
Умар ибн Ҳафс Ашқар айтганлар: «Абдоннинг Муҳаммад ибн Исмоилни қўллари билан кўрсатиб: “Кўзим билан мана шу йигитдан кўра донороқни кўрмадим”, – деганларини эшитдим».
Солиҳ ибн Мисмор Марвазий айтганлар: «Нуъайм ибн Ҳаммоднинг: “Муҳаммад ибн Исмоил бу умматнинг фақиҳидирлар”, – деганларини эшитдим».
Иброҳим ибн Холид Марвазий айтганлар: «Мусаддад: “Эй Хуросон аҳли, бошқа бировни Муҳаммад ибн Исмоилдан устун қўйманглар”, – дер эдилар».
Манба: “Машҳур даҳолар сийрати” (Сияру аъламин нубало) китобидан
