Home / ЯНГИЛИКЛАР / Имом Бухорий халқаро илмий-тадқиқот марказига меҳмонлар ташрифи

Имом Бухорий халқаро илмий-тадқиқот марказига меҳмонлар ташрифи

Муҳтарам юртбошимиз Ш.Мирзиёевнинг ташаббуслари билан кейинги йилларда мамлакатимизда диний-маърифий соҳада туб ислоҳотлар амалга оширилмоқда. Президентимиз Имом Бухорий халқаро илмий-тадқиқот марказини ташкил этиш таклифини илк бор 2016-йили Ислом ҳамкорлик ташкилоти Ташқи ишлар вазирлари кенгашининг 43-сессияси очилиш маросимида илгари сурган эди. Ўтган қисқа давр ичида иш бошлаган Марказ фаолияти билан танишиш инсонга  куч- қудрат ва завқ бағишлайди.

 Нафақат юртимизда, балки бутун мусулмон дунёсида ноёб бу Марказ ислом динининг асл моҳиятини, унинг фалсафасини кенг тарғиб қилиш, илмий бойитишга салмоқли ҳисса қўшган алломаларимизнинг мероси тимсолида бунёд этилди.

2-феврал куни Имом Бухорий халқаро илмий-тадқиқот марказига Ўзбекистон Республикаси Қўриқлаш бош бошқармаси бошлиғи подполковник Ж.Ж. Рахимов бошчилигида 5-нафар меҳмонлар ташриф буюрди.

Меҳмонларни Марказ Қўлёзмалар билан ишлаш бўлими бошлиғи Й. Исаев кутиб олди. Й. Исаев дастлаб меҳмонларни Марказ биноси кириш қисми пештоқларига битилган ёзувлар билан таништириб, Марказ биносининг асосий фойесида уларга буюк муҳаддис бобомиз Имом Бухорийнинг ҳаёти ва илмий мероси тўғрисида маълумотлар берди. Шундан сўнг меҳмонларни музейга таклиф этиб, музейдаги ноёб қўлёзма ва тошбосма асарлар, нодир экспонатлар ва девордаги тасвирлар билан  яқиндан таништирди.

Айниқса, меҳмонларда музейдаги замонавий ахборот берувчи воситалар ҳамда  буюк муҳаддис бобомиз Имом Бухорийнинг ҳаёти ва илмий сафарлари акс эттирилган деворий суратлар катта таассурот уйғотди.

Шу билан бирга меҳмонлар Марказ кутубхонасида сақланаётган нодир қўлёзма ва тошбосма асарлар билан танишиб, уларни катта қизиқиш билан томоша қилдилар.

Марказ маъмурияти ташриф учун Ўзбекистон Республикаси Қўриқлаш бош бошқармаси бошлиғи подполковник Ж.Ж. Рахимовга ўз миннатдорчилигини билдирди.

ИБХИТМ Матбуот хизмати

Check Also

«Синергетика-3: маънавий мерос» номли китоб тақдимоти ўтказилди

Алишер Навоий номидаги Ўзбекистон Миллий кутубхонасида Ўзбекистон Республикаси Вазирлар Маҳкамаси ҳузуридаги Имом Бухорий халқаро илмий-тадқиқот …