Home / ҚЎЛЁЗМАЛАР / النقاية (Ан-Ниқоя)

النقاية (Ан-Ниқоя)

№ inv. MR 99

Муаллиф. Убайдуллоҳ ибн Масъуд Садр аш-Шариъа ас-Сани ал-Маҳбубий (ваф. 747/1346 й.).

Фиқҳ. Мазкур асар Маҳмуд ибн Убайдуллоҳ ибн Аҳмад ал-Маҳбуб Садр аш-Шариъа ал-Аввал (ваф. 680/1281 й.)нинг “Виқоя фи масоил ал-ҳидоя” асарига ёзилган мухтасар асаридир. Асар бутун ислом оламида машҳур бўлиб, ислом динининг шариат аҳком, фиқҳий масалаларига бағишланган. Асар “Муфсид ас-солат”(“Намозни бузувчи амаллар”) бобидан бошланиб, “Китоб ал-ҳижр ва ал-изн”да тугаган. Асардан Марказий Осиё мадрасаларида фиқҳ илми бўйича дарслик сифатида кенг фойдаланилган.

Нусха тўлиқ эмас.

Асар боши (в. 1а) :

…جبهته من التراب فيها والسجود على كور عمامته افتراش ذراعيه وعقص شعره وسدل الثوب وكفه وتخصيص الامام بمكان …

Асар сўнгги (в. 255б) :

… وما نفع وغيره ضرر كالبيع والشراء علق باذنه واليه شرط ان يعقل البيع سالبا والشراء جالبا

Настаълиқ. 255 варақ. (в. 1а-255б) ; 5 қатор ; мистара ; сиёҳи қора ; боб ва фасллари қизил сиёҳда ; ҳошиясида шарҳлар бор ; шарқ қоғози ; курроса 8 ; матн ўлчами : 125´55 mm. ; варақ ўлчами : 250´145 mm. ; варақлар шарқона рақамланган.

Муқова : асарни муқовалари, бош ва охирги боблари йўқ.

Қўлёзманинг ҳолати : варақлари намдан зарарланиб, ёпишиб қолган. Намдан варақлари моғор босган.

ҚЎЛЁЗМАЛАР БИЛАН ИШЛАШ ВА МУЗЕЙ БЎЛИМИ
ИБХИТМ Матбуот хизмати

Check Also

القرآن الكريم(Ал-Қуръон ал-карим)

№ inv. MR 162 Қуръони карим 114 та сурадан иборат. Маккий ва Маданий суралардан ташкил …