Islom hamkorlik tashkiloti Islom tarixi, sanʼati va madaniyatini tadqiq qilish markazi (IRCICA)ning yangi nashrdan chiqqan “Newsletter” axborot byulletenida IRCICA Bosh direktori, professor dr. Mahmud Erol Qilichning Imom Buxoriy xalqaro ilmiy-tadqiqot markaziga tashrifi toʻgʻrisida maʼlumot chop etildi.
Xabarda joriy yilning aprel oyida amalga oshirilgan tashrif 2021 yil 4 noyabrda Markaz direktori Shovosil Ziyodov bilan IRCICAda oʻtkazilgan uchrashuv ning mantiqiy davomi sifatida ikki ilmiy muassasa oʻrtasidagi hamkorlik aloqalarining rivojlanish istiqbollarini belgilab bergani alohida eʼtirof etilgan.
Maqolada, shuningdek, tashrif mobaynida Markaz muzeyi va boʻlimlari bilan tanishuv barobarida tarixiy qoʻlyozmalar va ularni saqlash bilan bogʻliq tadqiqot loyihalari hamda ilmiy izlanishlar boʻyicha oʻzaro fikr almashilgani taʼkidlangan.