Imom Buxoriy xalqaro ilmiy-tadqiqot markazi bukhari.uz
“Таъвилот ал-Қуръон” тафсирининг муаллифи Абу Мансур Мотуридийдир. Аллома 870 йилда Самарқанднинг Мотурид қишлоғида таваллуд топган. У Самарқанддаги “Дор ал-Иёдия” ва “Дор ал-Жузжония” номли мактабларда маҳаллий ҳанафий уламолардан таълим олган. Аллома 944 йилда Самарқанд шаҳрида вафот этган ва Чокардиза қабристонига дафн этилган.
Машҳур шогирди Абул Қосим Ҳаким Самарқандий таърифи билан айтганда Абу Мансур Мотуридий бор нафаси миқдоридаги илмларни ўзида жамлаган, бутун кучини ўз илмларини ўргатиш ва тарқатишга сарфлаган. Шунинг учун у ёзган асарлар мақтовга сазовор. У ўз умридан серҳосил меваларни олишга эришган зотдир.
Имом Бухорий халқаро илмий-тадқиқот маркази томонидан Абу Мансур Мотуридийнинг “ТАЪВИЛОТ АЛ-ҚУРЪОН” асарининг 30-жузи ўзбек тилига таржима қилинди.
