Home / ФОТО ЛАВҲАЛАР / Туркия миллий мудофаа вазири Ҳадис илми мактаби фахрий талабаси бўлди

Туркия миллий мудофаа вазири Ҳадис илми мактаби фахрий талабаси бўлди

Туркия миллий мудофаа вазири Ҳадис илми мактаби фахрий талабаси бўлди

Мамлакатимизда меҳмон бўлиб турган Туркия миллий мудофаа вазири Ҳулуси Акар бошчилигидаги делегация бугун Самарқандга келди.

Ҳулуси Акар Ўзбекистон Республикаси мудофаа вазири Б.Қурбонов ва вилоят ҳокими Эркинжон Турдимов ҳамроҳлигида Самарқанддаги муқаддас қадамжо ва тарихий обидаларни зиёрат қилди.

Жумладан, Имом Бухорий мажмуасида буюк аллома ҳақига Қуръон тиловат қилинди.

 
photo_2020-10-28_16-55-03.jpg
 
Шундан сўнг меҳмонлар Имом Бухорий халқаро илмий-тадқиқот маркази ва Ҳадис илми мактаби фаолияти билан танишди. Давлатимиз раҳбари ташаббуси билан ташкил этилган ушбу муассасаларнинг мақсад ва вазифалари, бу ерда заминимиздан етишиб чиққан буюк алломалар маънавий меросини ўрганиш борасида олиб борилаётган ишлар, нуфузли халқаро ташкилотлар, таълим даргоҳлари билан ҳамкорлик алоқалари ҳақида сўзлаб берилди.
 
photo_2020-10-28_16-55-10.jpg
 
photo_2020-10-28_16-55-13.jpg
 
Марказ музей фондидан ўрин олган экспонатлар, деворий суратлар, Имом Бухорий асарлари нусхалари, шунингдек, муссасага Ислом ҳамкорлик ташкилотининг Ислом тарихи, санъати ва маданиятини тадқиқ қилиш маркази томонидан ҳадя этилган хаттотлик намуналари кўргазмаси меҳмонларда катта таассурот қолдирди.
 
Туркия миллий мудофаа вазири Ҳулуси Акарга Ҳадис илми мактабининг 2020-2021 ўқув йили фахрий талабаси даражаси берилди.
 
photo_2020-10-28_16-55-09.jpg
Манба: ЎзА

Check Also

«Синергетика-3: маънавий мерос» номли китоб тақдимоти ўтказилди

Алишер Навоий номидаги Ўзбекистон Миллий кутубхонасида Ўзбекистон Республикаси Вазирлар Маҳкамаси ҳузуридаги Имом Бухорий халқаро илмий-тадқиқот …