Imom Buxoriy xalqaro ilmiy-tadqiqot markazi bukhari.uz
Imom Buxoriy xalqaro ilmiy-tadqiqot markazida Samarqand viloyatidagi iqtidorli imom-xatiblar uchun oʻtkazilayotgan oʻquv jadvaliga binoan, navbatdagi uchrashuvda tinglovchilar oldida Oʻzbekiston Respublikasi Din ishlari boʻyicha qoʻmitasi raisining birinchi oʻrinbosari, Oʻzbekiston xalqaro islom akademiyasi huzuridagi ilmiy darajalar beruvchi Ilmiy kengash raisi, tarix fanlari doktori, professor Davronbek Maxsudov hamda Xalqaro islom akademiyasi katta oʻqituvchisi, psixologiya fanlari boʻyicha falsafa doktori Azamat Nazarov maʼruza qildi.
Bu safar asosiy eʼtibor yoshlar orasida din asosida radikallashuv va uning oldini olishning ijtimoiy-psixologik metodlarini oʻrganishga qaratildi. Yosh avlodning yot gʻoyalar taʼsiriga tushib qolishiga sabab boʻladigan omillar, motivlar ilmiy, diniy va dunyoviy jihatdan tahlil qilindi. Maʼruzachilar turli darajadagi ehtimoliy ijtimoiy-huquqiy xatarning oldini olish boʻyicha muhim tavsiya va koʻrsatmalarini bayon qildi.
Mashgʻulot qizgʻin munozara va savol-javoblar bilan davom etdi.
