КУН ҲАДИСИ

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Ким ҳаж қилиб, фахш сўз айтмаса ва фисқу фасод қилмаса, худди онаси туққан кундек қайтади», дедилар». Имом Бухорий ва имом Муслим ривоят қилганлар.

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Ким илм талаб қилиш йўлини тутса, Аллоҳ таоло уни жаннат йўлига йўллаб қўяди», дедилар». Имом Муслим ривояти.

Абу Мусо Ашъарий розияллоҳу анҳудан ривоят қилинади: «Набий соллаллоҳу алайҳи васаллам: «Роббисини зикр қилиб юрадиган киши билан зикр қилмайдиган кишининг мисоли худди тирик ва ўликнинг мисоли кабидир», дедилар». Имом Бухорий ривояти.

Ибн Умар розияллоҳу анҳумодан ривоят қилинади: «Набий соллаллоҳу алайҳи васаллам: «Одамларга аралашиб, уларнинг озорларига сабр қилиб юрадиган мўмин одамларга аралашмасдан, уларнинг озорларига сабр қилмайдиган мўминдан яхшидир», дедилар». Имом Бухорийнинг «Ал-Адаб Ал-Муфрад» асарларидан.

Анас ибн молик розияллоҳу анҳудан ривоят қилинади: «Набий соллаллоҳу алайҳи васаллам: «Мусулмонга биродаридан уч кундан ортиқ аразлаш ҳалол эмас», дедилар». Имом Бухорий ва Имом Муслим ривояти.

Ибн Умар розияллоҳу анҳумодан ривоят қилинади: «Набий соллаллоҳу алайҳи васаллам: «Ҳаё ва имон иккиси эгизакдир. Қачон улардан бири кўтарилса, бошқаси ҳам кўтарилади», дедилар». Имом Ҳоким ривояти.

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Аллоҳ таолонинг тўқсон тўққизта исми бор. Ким уларни тўлиқ билиб олса, жаннатга киради», дедилар». Муттафақун алайҳ.

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Аёл киши учун эрининг ҳузурида унинг изнисиз рўза тутиши ва унинг изнисиз уйига бировни киритиши ҳалол эмас», дедилар». Тўртовлари ривоят қилганлар.

Абдуллоҳ ибн Аббос розияллоҳу анҳумодан ривоят қилинади: «Набий соллаллоҳу алайҳи васаллам: «Икки неъмат борки, одамларнинг кўплари уларни бой бериб қўядилар — (улар) саломатлик ва бўш вақтдир», дедилар». Имом Бухорий ривояти.

Абу Умома розияллоҳу анҳудан ривоят қилинади: «Набий соллаллоҳу алайҳи васаллам: «Қуръонни қироат қилинг, чунки у қиёмат куни ўз асҳобларига шафоатчи бўлиб келади», дедилар». Имом Муслим ривояти.