Home / ФОТО ЛАВҲАЛАР / Имом Бухорий халқаро илмий-тадқиқот марказига меҳмонлар ташрифи

Имом Бухорий халқаро илмий-тадқиқот марказига меҳмонлар ташрифи

Муҳтарам юртбошимиз томонидан кейинги йилларда мамлакатимизда диний-маърифий соҳада туб ислоҳотлар амалга оширилмоқда. Президентимиз Имом Бухорий халқаро илмий-тадқиқот марказини ташкил этиш таклифини илк бор 2016-йили Ислом ҳамкорлик ташкилоти Ташқи ишлар вазирлари кенгашининг 43-сессияси очилиш маросимида илгари сурган эди. Ўтган қисқа давр ичида иш бошлаган марказ фаолияти билан танишиш инсонга  куч- қудрат ва завқ бағишлайди. Нафақат юртимизда, балки бутун мусулмон дунёсида ноёб бу Марказ ислом динининг асл моҳиятини, унинг фалсафасини кенг тарғиб қилиш, илмий бойитишга салмоқли ҳисса қўшган алломаларимизнинг мероси тимсолидабунёд этилди.

24-январ куни Имом Бухорий халқаро илмий-тадқиқот марказига Самарқанд вилоят ИИБ бошлиғи полковник А.АТошпўлатов ташаббуси билан, бошлиқ ўринбосари подполковник Ф.Ф Ҳасанов бошчилигида 35-нафар Ички Ишлар ходимлари ташриф буюрди.

Меҳмонларни Марказ Қўлёзмалар билан ишлаш бўлими бошлиғи Й. Исаев ва Марказ Матбуот хизмати котиби Ж.Жумаевлар кутиб олди. Й. Исаев дастлаб меҳмонларни Марказ биноси кириш қисми пештоқларига битилган ёзувлар билан таништириб, Марказ биносининг асосий фойесида уларга буюк муҳаддис бобомиз Имом Бухорийнинг ҳаёти ва илмий мероси тўғрисида маълумотлар берди. Шундан сўнг меҳмонларни музейга таклиф этиб, музейдаги ноёб қўлёзма ва тошбосма асарлар, нодир экспонатлар ва девордаги тасвирлар билан  яқиндан таништирди.

Айниқса, меҳмонларда музейдаги замонавий ахборот берувчи воситалар ҳамда  буюк муҳаддис бобомиз Имом Бухорийнинг ҳаёти ва илмий сафарлари акс эттирилган деворий суратлар катта таассурот уйғотди. жойлашганлиги ҳамда меъморчилик ишларига юқори баҳо бердилар.

 Шу билан бирга меҳмонлар Марказ кутубхонасида сақланаётган нодир қўлёзма ва тошбосма асарлар билан танишиб, уларни катта қизиқиш билан томоша қилдилар.

Марказ маъмурияти ташриф ва ташаббускорлиги учун Вилоят ИИБ бошлиғи полковник А.АТошпўлатовга ва барча ташриф буюрган Ички Ишлар ходимларига ўз миннатдорчилигини билдирди.

Ж. Жумаев
Диний-маърифий тадбирлар бўлими илмий ходими

Check Also

Бухорода I Халқаро зиёрат туризми форумининг асосий тадбирлари бошланди

Мамлакатимизда илк бора ўтказилаётган мазкур форум Ўзбекистон Республикаси Туризмни ривожлантириш давлат қўмитаси томонидан Вазирлар Маҳкамаси …