Home / ЯНГИЛИКЛАР / Олий диний таълим муассасасига қабул эълон қилинади

Олий диний таълим муассасасига қабул эълон қилинади

Ўзбекистон мусулмонлари идораси Самарқанд вилоятида Ҳадис илми мактаби очилиши муносабати билан 2018-2019 ўқув йили учун қабул эълон қилади. Ҳадис илми мактаби Ўзбекистон мусулмонлари идораси тасарруфидаги олий диний таълим муассасаси ҳисобланади. Мактабда ўқиш муддати 5 йил бўлиб, кундузги таълим шаклида олиб борилади. Мактабда “Ҳадисшунослик” таълим йўналиши бўйича бакалавр даражасидаги кадрлар тайёрланади. Бу ҳақда Дин ишлари бўйича қўмита матбуот хизмати хабар қилди. Мактабга 2018/2019 ўқув йилида 10 та талаба қабул қилинади. Мактабга араб тилини пухта ўзлаштирган, ҳадисларни ёд олишга салоҳияти бўлган ўрта махсус диний таълим муассасаларининг иқтидорли битирувчилари танлов асосида саралаб олинади. 
Ҳадис мактабига қабул 2018 йилнинг 8 ноябридан 15 ноябригача абитуриентлардан ҳужжатлар қабул қилинади. 

Абитуриентлар қабул ҳайъатига қуйидаги ҳужжатларни тақдим этади: 

– Қабул ҳайъати раиси номига ариза; 
– ўрта махсус ислом билим юртини тугатганлиги ҳақида ҳужжатнинг (диплом) асл нусхаси; 
– 086-У-шаклидаги тиббий маълумотнома; 
– паспорт нусхаси (асли кўрсатилади); 
– 6 дона рангли фотосурат (3,5 х 4,5 ҳажмдаги); 
– яшаш жойидаги масжид имом-хатибидан тавсиянома; 
– ҳарбий хизматга алоқадорлиги ҳақида ҳужжат (асли). 
Ҳужжатлар Имом Бухорий номидаги Тошкент ислом институти биносида қабул қилинади. 

Манзил: Тошкент шаҳри, Олмазор тумани, Зарқайнар кўчаси 18-берк кўчаси 47-уй. 
Мурожаат учун телефон: (71) 227-42-37.
 

Check Also

Ўзбекистон Республикаси Президенти АҚШ Конгресси делегациясини қабул қилди

Ўзбекистон Республикаси Президенти Шавкат Мирзиёев 19 ноябрь куни конгрессмен Трент Келли бошчилигидаги АҚШ Конгресси делегациясини …